Mari kito pikie kan kawan kito....

Oiii....
Kopi steng Ri..., pisang goreang tu lai buliah bali saparo... agiah katan snek. Proyek alun malatuih lai...
Ado nan tapikia diambo ko sanak. Sabalunnyo ambo minta maaf kok ado nan tasingguang kanaik talendo ka turun....
Kan ado kawan kito nan ditimpo kamalangan (mungkin kini masih berkabung), Hardi maksud ambo (sorry Di...). Kini inyo kan alah jadi single parent kecek urang.... Tantu paralu kito pikie kan supayo inyo indak lamo baibo ati. Baa caronyo... Ntung?

Sakitu se nyo untuak kato pambuka

Iyolah..batua tuh Ci....ambo sempat terpikir juo baa caro manggadangan anak surang sajo. Paralu awak bukakan "pikirian" kawan awak tuh. Indak lamak iduik surang sajo. Kabarnyo angku lai ado database alumni sipil yg baru2, angku agiahlah ka si Hardi tu, berikut rekomendasi nan ma nan rancak jo katuju dek Inyo tuh. Dek masalah salero inyo ambo alun mangarati bana..(he he).

Kepada nan punyo kantin ko, Ri...ang agiahlah pandangan iduik ka inyo (sakali di pandang langsung iduik) ijan pegangan iduik (sekali pegang baru iduik). Mambana ko ha....HA HA

Wan, ambo satuju bana jo pikiran angku tu, baitu pulo jo pandapek Untung. Taraso lo dikito baa perasaan hardi tu kini,Tapi bia baitu nan dek inyo paralu lo kito tanyoan iyo ko kamancari kawan hiduik barumah tanggo lai, mancari bunda untuk anak nan sadang paralu kasiah sayang ibu. Minta maaf lo ambo dulu ka Hardi kalau ambo agak talonsong, pandapek ambo nan taraso dek ambo tantu sarancaknyo dicaliak nan dakek-dakek dulu terutamo dilingkungan keluarga besar anaknyo, karano sayang ka anak tantulah agak labiah karano lai darah dagiangnyo juo ( sia urangnyo tantu di keluarga besar labiah tahu). Salanjuiknyo bisa dicaliak nan dakek-dakek di keluarga alumni awak, (soal iko sia urangnyo dek ambo yo tasarah dek urang nan kamamakai, Iwan jo Untung mungkin bisa mayabuik urangnyo). Pilihan terakhir baru dicaliak ka lingkungan pergaulan dan masyarakat lua, untuak pilihan ko tantu banyak sangaik nan ado, mulai dari gadis sampai jando, mulai dari bungo kampuang sampai ka bungo selebritis, pacandu saluang sampai ka pecinta dugem, poko e tasarah urang nan kamamakai lah. baitu sajo dek ambo nyo kok lai ado bananyo tapuak tangan tek, kalau indak jaan di cameeh kawan.

Saran nan punyo kadai/kantinko paralu di perhatikan, dan ado rancaknyo tuh. Kalau dari ambo, perihal mamiliah calon "urang rumah" handaknyo diperhatikan sabda Rasulullah SAW...Agamo, Wajah..dst. Itu sajo yang ambo sarankan.

Ri, Kalau cewek buliah ndak ikuik duduak2 di kantin ko. Soalnyo dulu ambo agak jarang nongkrong di kantin ni Ar ko, kecuali kalau paruik alah lapa bana, itupun kalau ado pitih di kantong... hehe. Ambo satuju bana jo kawan2 mah, nan masih mamikiakan nasib kawan kito. Tapi mungkin nan paralu ditanyokan bana ka Hardi adalah..Apo alah ado calon hardi ko? Apo ado dari pihak almarhumah? Atau Hardi ko alah manyarahkan ka forum kito ko?. Kalau hardi alah lampu hijaunyo... ambopun siap mambantu, tingga sabuik kriterianyo. ( O ya ambo alun tau lai doh, anak hardi umua bara taun yo?, Hardi bamukim dimano? mana tau ado nan takilek nantinyo.)